Kristið blogg / kveðja eftir bloggfrí

Ég hef gert hlé á því að blogga um langt skeið.

Fyrir nokkrum dögum minnti vinur minn mig á að einu sinni var ég mjög ötull á spjallþráðum að ræða trúmál og skrifast þar á við fólk sem hafði ýmsar skoðanir. Sumir vildu bara svör og ég gerði mína tilraun. Aðrir gagnrýndu trúna og ég reyndi að rökræða eftir getu og nennu. Gaman upp að vissu marki, auðvitað verðum við að muna að við breytum ekki svo auðveldlega skoðunum annarra. En sumir vilja einhvern til að rökræða við.

Ætti ég að reyna þetta aftur - og þá hér?

Bara pæling. Skyldi einhver lesa þetta blogg hvort sem er? Sérstaklega eftir svona hlé ...

Athugasemdir

[Guðsteinn Haukur Barkarson, 13.7.2009 kl. 22:32]

Endilega Einar, haltu áfram þínum skrifum, við erum allt of fá um þessa bloggheima sem þorum að viðurkenna Krist.

[Gunnhildur Reynisdóttir (IP-tala skráð) 13.7.2009 kl. 23:11]

Endilega! Ég skora á þig að koma með eitthvað krassandi trúarblogg. Ég fylgist með.

[Baldur Gautur Baldursson, 14.7.2009 kl. 08:22]

Jú Einar, ég er trúr lesandi!  Keep up the good work!  :)

[Mofi, 14.7.2009 kl. 12:32]

Allt of fáir kristnir bloggarar hérna svo allar kristnar raddir velkomnar!

[DoctorE (IP-tala skráð) 14.7.2009 kl. 15:00]

þora að viðurkenna krist, fyndnir eruð þið fórnarlömb sjálfselsku og lyga

[Einar Sigurbergur Arason, 21.7.2009 kl. 09:09]

Síðasta athugasemd hér að ofan telst dónaskapur. Það er lágmark að sýna andstæðingum sínum virðingu og tala af kurteisi. Sá sem gerir það ekki, uppsker það að venjulegt fólk vorkennir honum fyrir skort á mannasiðum.

Eina fórnarlambið hérna ert þú, DoctorE. Það er þess vegna sem ég svara ekki í sömu mynt og þú gerir. Ég læt meira að segja ógert að eyða út athugasemdinni þinni - sem ég gæti gert og er í fullum rétti til. Eftirleiðis ætlast ég hins vegar til að fólk virði eðlilegar samskiptareglur á mínu bloggi.

Þú virðist hafa þörf fyrir að mótmæla trúnni. Ef þú gerir svo vel að gera það á málefnalegan hátt, þá er sjálfsagt að hlusta. En skítkast eins og að segja "fyndnir eruð þið fórnarlömb sjálfselsku og lyga" dæmir sig sjálft. Það er í raun ekki svaravert - eina ástæðan fyrir að ég kommentera á þetta er að ég er að tilkynna að eftirleiðis mun ég eyða þeim athugasemdum sem eru óprenthæfar. Þessi fær aðeins að standa sem víti til varnaðar; það er að segja, ef þú vilt láta hana standa, því auðvitað getur þú eytt henni og látið skoðun þína í ljósi á siðmenntaðri hátt.