Gjaldeyrismálin leyst - nýr banki - við erum rík!

Í gærkvöldi, áður en ég fór á næturvaktina sem ég er á núna, tók ég þátt í að stofna nýjan banka á Skagaströnd, sem er heimabyggð mín. Þetta er tvímælalaust snjallasta bankahugmynd sem reynd hefur verið. Vandamálin með ónýta krónu eru gersamlega úr sögunni.

Samkvæmt meðfylgjandi hlutabréfi er ég svo ríkur að eiga ráðandi hlut í þessum banka og er hann metinn á 1000 bros. Ég spái því að gengið verði komið upp í 1000 milljarða innan tíðar, þetta er svo markaðsvæn hugmynd.

Það besta af öllu er að samkvæmt regluverkinu getur bankinn ekki orðið gjaldþrota.

Býður einhver betur?

Athugasemdir

[Hlini Melsteð Jóngeirsson, 11.12.2008 kl. 10:30]

Sæll,

Mér líst rosalega vel á þetta, hvernig stofnar maður reikning hjá þessum bankaÐ

Kveðja

[Haraldur Hansson, 11.12.2008 kl. 10:32]

Hmmm ... hvað eru mörg glott í einni evru?

[Arnar Geir Kárason (IP-tala skráð) 11.12.2008 kl. 21:12]

Já ég er ekki frá því að ég vilji leggja inn í þennan banka, hvað eru innlánsvextirnir háir þarna ?

[Einar Sigurbergur Arason, 12.12.2008 kl. 01:22]

Arnar: Síðast þegar ég gáði voru innlánsvextir 48%, útlánsvextir 0,67%.

Haraldur: Heyrst hefur að eitt glott jafngildi 25 evrum við lokun í dag. Sama heimild sagði mér að glottið hefði verið metið á 19 evrur þegar opnað var í morgun.

Hlini: Ég myndi prófa að tala við bankastjórana. Annar þeirra er Ingibergur Guðmundsson, fyrrverandi skólastjóri á Skagaströnd. Hinn heitir Sigurður, ég man ekki föðurnafnið í svipinn.

Þar sem gjaldmiðillinn er bros ætti ekki að vera erfitt að fá reikning. Hlutabréfið var að minnsta kosti auðfengið.

[Einar Sigurbergur Arason, 12.12.2008 kl. 06:01]

Eitt bros er í raun ómetanlegt ef vel er að gáð! Hvað eru það margar evrur?

Hlini: Ég held ég fari rétt með það að þú getur stofnað reikning með að segja brandara.

Til að liðka fyrir viðskiptum eru tveir hér, enda vil ég gjarnan græða á þér:

• Umferðarlöggan
• Hvað ég geri þegar þið eruð komnir í viðskipti við mig (ekki lesa, ekkert merkilegt)

[Arnar Geir Kárason (IP-tala skráð) 12.12.2008 kl. 13:24]

Einar, gæti ég þá fengið 100.000.000.000 bros að láni hjá þér og lagt inná bók ?

[Arnar Geir Kárason (IP-tala skráð) 12.12.2008 kl. 13:25]

Ingibergur er nú gamli skólastjórinn minn, mátt alveg endilega skila kveðju til hans ef hann man eftir mér